Te Ta Pada Pilen Bakal Jari Datunta

DKB, Datunta si arak kon gumi Tioq Tata Tunaq nene uah buek masa tugas da, uah lima ton da pada megabdi kon masyarakat Dayan Gunung, baterus nengkane nene da pada nyalon ampok jari datu kon dayan gunung, laguk senyebau da bareng bareng sekek paket ampok H.Djohan Sjamsu det H. Najemul Ahyar, da sarak sawek ulan Juli nene, terus da pada peta tangket ampok? Na jari Te Ta Pada Pilen Bakal Jari Datunta.20-05-15

Gumi Tioq Tata Tunak nene uah berumur enam ton sejak ton 2008, kabupaten paling bajang kon Nusa Tenggara Barat, arak 5 Kecamatan, 33 Desa,   390 Dusun, Gumi Tioq Tata Tunaq Nene arak kon Dayan Gunung berbatasan det laut jawa si Deng lauk , deng  bat Selat Lombok, Lombok Barat deng Daya det deng timuk Lombok Timur det Lombok Tengah.

 Luek wah kemajuan kemajuan si uah ta reih isik datunta si arak kon gumi Tioq Tata Tunaq nene, mun pegawean tau si paling luek arak kon Dayan Gunung nene 50%  jari petani, megawean kon bangket, kon kebon,  sawek nono jari dagang, arah endah kon hotel det restoran. Dakaq kuto luek an tau mama si megawean lamun tau nina kurang gelem.

Warga dayan gunung nene mun pada sekolahana jak luek an tau mama si sekolah mun mama 6,37% mun nina 4,29% laguk mun pada kejar paket jak luek an tau nina mun ta badingang det tau mama. Sekutoan juak si pada megawean kon Rumah sakit det peuskesmas luek an tau nina jari petugas a.

Lamun ta gitak pakta si arak jari kepala Dinas kon selapuk perkantoran jak hamper 99 %  Tau mama kanyan, nggak Kepala Dinas Kependudukan Dayan Gunung su Kepala kantor a Tau Nina. Sekutoan juak si jari anggota DPRD luek an Tau mama si tokol tono si nina jari DPRD te nggak 2.

Mun ta peta data inprastruktur jak si keng listrik kon bale uah luek, laguk aik bersih masi kurang, jari tau nina masi kekurangan aik si bersih barok a 42%, mun balea jak hampir selapuk a bik pada keang listrik 90%,  terus masi 45% warga Dayan gunung depok man mende kon pada menai, mun masalah jalan, terminal det pelabuhan jak uah pad mok bantuan lelek datunta.

Warga Dayan Gunung nene si nina barok belek, masi arak si pada memulang berik berik, jari perlu gati ta serinok isik datum ta sik dating nene, nene lantaran adat det budaya sik masi ta keang atau kemelek tau lokak a, isu si paling kurangte jak si jari pemimpin kurang gati si nina nina nene. Det si paling penting ta miluang te jak mun pada musyawarah jarang pada peta tau nina, jari perlu arak keputusan bareng bareng dait tau nina.

Laguk masalah kemiskinan si masi luek kon gumi dayan gunung, ton 2012 masi 35,97% na ne tugas da si jari bakal datunta kon Dayan Gunung ampok kane mulai lelek  tanggulangi kemiskinan, tau miskin miluang ia pada pelatihan keterampilan, usaha ekonomi, sade ia modal, piak ang ia kon mendagang, bagusng jalan aro kebon bangketnya pada, sade ia pupuk organic, sade ia binek pare, murah ang ajin rabok. ( Kertamalip ).